Google ADS

Pacolli: Ndalesa e Hivzi Islami për të vizituar familjarët, veprim i ulët dhe shkelje e Lirisë së Lëvizjes

15:31 | 8 Gusht 2018
Arbresh.info

Ministri i Punëve të Jashtme, Behgjet Pacolli ka reaguar ndaj ndalesës së ish-kryetarit të Akademisë së Shkencave dhe Arteve të Kosovës, Hivzi Islami që të vizitoj familjarët e tij në Preshevë.

Pacolli përmes një statusi në rrjetin social facebook ka shkruar se ky është një veprim i ulët, i papërgjegjshëm, në kundërshtim me çdo vlerë njerëzore dhe shkelje e rëndë e Lirisë së Lëvizjes si parim themelor Evropian.

Statusi i plotë:

Ndalesa e ish-Kryetarit të Akademisë së Shkencave dhe Arteve të Kosovës dhe anëtarit të Akademisë Evropiane të Shkencave dhe të Arteve, z. Hivzi Islami, që të vizitojë familjarët e tij në Preshevë dhe ndarja nga pjesa tjetër e familjes është një veprim i ulët, i papërgjegjshëm, në kundërshtim me çdo vlerë njerëzore dhe shkelje e rëndë e Lirisë së Lëvizjes si parim themelor Evropian. Do ta adresojë këtë çështje personalisht tek përfaqësuesit e BE-së dhe komuniteti i gjerë ndërkombëtarë. Për keqardhje.

Shpërndaje në rrjete sociale

Lajmet më të lexuara

Të ngjashme

Foto lajm